Avtomaktablar uchun

Nima olasiz

Ikki narsa — biri o'quvchiga, biri sizga

AvtoTest — haydovchilik imtihoniga tayyorlanish ilovasi: rasmiy savollar bazasi, mavzular, imtihon rejimi, xatolar ustida ishlash. Avtomaktab bilan ishlaganda u ikki tomonga xizmat qiladi.

🎓

O'quvchilaringizga — to'liq PRO versiya

Guruh kodini kiritgan har bir o'quvchiga ilovaning barcha imkoniyatlari ochiladi — shartnoma muddati tugaguncha. O'quvchi hech narsa to'lamaydi.

📊

Sizga — veb-panel

Har bir o'quvchining imtihonga tayyorligi rang bilan ko'rinadi, guruh qaysi mavzuda qiynalayotgani aniq bo'ladi, ichki imtihon o'tkazib, sertifikat berasiz.

Jarayon

Boshidan oxirigacha — 5 qadam

Boshlash uchun sizdan faqat guruhlaringiz ro'yxati kerak. Qolganini biz tayyorlaymiz.

1

Guruhlar ochiladi biz

Maktabingizni va guruhlaringizni tizimga kiritamiz (masalan, "B toifa — Sentyabr, ertalabki"). Har guruhga alohida kod beriladi (masalan, KAMOL01) va joy soni belgilanadi — odatda 40 ta. Kod faqat shuncha o'quvchini qabul qiladi.
2

Plakat va panel beriladi biz

Har guruh kodi uchun QR-kodli plakat chop etib beramiz. Direktorga va o'qituvchilarga panelga kirish uchun login va parol beramiz. Panel manzili: avto-exam.uz/maktab.
3

O'quvchilar qo'shiladi o'qituvchi

O'qituvchi darsda kodni doskaga yozadi yoki plakatni ilib qo'yadi. O'quvchi QR-kodni skanerlaydi, bir tugmani bosadi — va sizning panelingizda, o'z guruhida paydo bo'ladi.
4

O'quvchilar uyda mashq qiladi o'quvchi

Har bir ishlangan savol panelda avtomatik hisobga olinadi. Siz hech narsani qo'lda kiritmaysiz.
5

Siz natijani ko'rasiz va boshqarasiz o'qituvchi

Kim orqada qolayotganini ko'rasiz, zaif mavzularga dars bag'ishlaysiz, ichki imtihon o'tkazib, o'tganlarga sertifikat berasiz.

O'quvchi qanday qo'shiladi

Uchta yo'l bor — asosiysi guruh kodi

Guruh kodi o'quvchini darhol to'g'ri guruhga qo'yadi va PRO versiyani avtomatik ochadi. Qolgan ikki yo'l — alohida holatlar uchun.

A · Asosiy yo'l

Guruh kodi yoki QR

Ilova o'rnatish shart emas — hammasi Telegram ichida ishlaydi.

Plakatdagi QR-kodni telefon kamerasi bilan skanerlaydi.
Ochilgan sahifada "Telegramda ochish" ni bosadi.
AvtoTest ochiladi, guruh kodi o'zi yozilgan bo'ladi.
"Tasdiqlash" ni bosadi — tamom.

Shu zahoti o'quvchiga PRO ochiladi va u panelingizda paydo bo'ladi. Kodni qo'lda ham kiritish mumkin: Profil → Avtomaktab → Kodni kiritish.

B · Ariza

Maktab kodi orqali

Har bir maktabning o'z umumiy kodi ham bor. O'quvchi uni ilovada kiritsa, sizga ariza keladi.

Panelda "Arizalar" bo'limida qabul qilasiz (va guruhga biriktirasiz) yoki rad etasiz. O'quvchi o'zi topib kelganida qulay.

C · Taklif

Siz taklif qilasiz

O'quvchi AvtoTest'dan allaqachon foydalanayotgan bo'lsa, panelda "O'quvchi qo'shish" orqali uni ismi yoki telefoni bo'yicha topasiz.

O'quvchiga taklif boradi, u ilovada qabul qiladi yoki rad etadi.

Qoida: kim so'ragan bo'lsa, qarorni ikkinchi tomon qiladi. Maktab o'quvchini uning roziligisiz qo'sha olmaydi, o'quvchi ham maktabga ruxsatsiz kira olmaydi. Bitta o'quvchi bir vaqtda faqat bitta avtomaktabga ulanadi — boshqa maktab kodi bilan uni sizdan "olib ketib" bo'lmaydi.

Kod ishlamasa — o'quvchiga sababi ko'rsatiladi

"Kod topilmadi"Kod xato yozilgan.

"Guruhda bo'sh joy qolmadi"Joy soni tugagan — bizga ayting, ko'paytiramiz.

"Kod faol emas"Guruh yopilgan.

"Maktab shartnomasi tugagan"Shartnoma muddati o'tgan.

"Siz boshqa avtomaktabga ulangansiz"O'quvchi avval boshqa maktabga ulangan.

O'quvchi tomoni

O'quvchi ilovada nimani ko'radi

Ulanganidan keyin ilovaning barcha imkoniyatlari ochiladi, profilida esa maktabingiz paydo bo'ladi.

📚

Butun savollar bazasi

Barcha savollar, mavzular bo'yicha mashq va har bir savolga izoh.

⏱️

Imtihon rejimi

Haqiqiy imtihon ko'rinishidagi test — vaqt va savollar soni bilan.

🎯

Xatolar ustida ishlash

Xato qilingan savollar alohida yig'iladi va o'rganilguncha qaytariladi.

🔥

Kunlik seriya

Har kuni mashq qilishga undaydi — bir kun o'tkazib yuborsa, seriya uziladi.

🏫

Maktab sahifasi

Profilda maktabingiz nomi. Bossa — ichki imtihonlar, o'z ko'rsatkichlari va guruh reytingi.

🏆

Guruh reytingi

Guruhdoshlari orasida nechanchi o'rinda ekani. Ismlar qisqa ko'rinadi ("Jamshid I.") — telefon va to'liq familiya boshqalarga ko'rinmaydi.

O'quvchi xohlasa maktabdan chiqishi mumkin — uning shaxsiy natijalari o'zida qoladi.

Panel

Asosiy qism — "svetofor"

Panelni har dars oldidan ochasiz — kim bilan alohida ishlash kerakligi qizil rangda ko'rinib turadi. 40 o'quvchini qo'lda tekshirish shart emas.

B toifa — SentyabrNamuna

O'quvchiAniqlikQamrov

Aziz K.94%82%

Madina R.91%75%

Bekzod T.83%55%

Nigora S.78%46%

Sardor A.96%3%

Dilshod M.61%68%

Kamola Y.——

Yashil — imtihonga tayyor

Aniqlik 90%+ va bazaning 70%+ qismi ishlangan.

Sariq — yaqin, lekin ish bor

Aniqlik 75%+ va bazaning 40%+ qismi ishlangan.

Qizil — tayyor emas

Qolgan hamma holat, yoki 20 tadan kam savol ishlagan.

Kulrang — boshlamagan

Hali birorta savol ishlamagan. Darsda eslatish kerak.

Nega ikki o'lchov? Faqat foizga qarash aldaydi: 10 ta savol ishlab 96% olgan o'quvchi (yuqoridagi Sardor) hali tayyor emas. Faqat soniga qarash ham aldaydi: hammasini ishlab 60% olgan ham tayyor emas. Yashil chegarasi 90% — chunki haqiqiy imtihonda 20 savoldan faqat 2 tasida xato qilish mumkin.

Paneldagi barcha bo'limlar

🏠

Boshqaruv

Bir qarashda: nechta guruh va o'quvchi, oxirgi haftada nechtasi faol, o'rtacha aniqlik, band va bo'sh joylar.

👥

O'quvchilar

Ismi, telefoni, guruhi, ishlagan savollari, aniqligi, xatolari, kunlik seriyasi, oxirgi faolligi va rangi. Boshqa guruhga ko'chirish yoki maktabdan chiqarish ham shu yerda.

📨

Arizalar

O'quvchilardan kelgan so'rovlar va siz yuborgan takliflar. Qabul qilish yoki rad etish.

🗂️

Guruhlar

Nomi, o'qituvchisi, guruh kodi, joy soni va band joylar. Yangi guruh ochish, guruhni yopish yoki qayta ochish.

📉

Tahlil: zaif mavzular

Guruh qaysi mavzularda ko'p xato qilyapti — keyingi darsni nimaga bag'ishlash kerakligi shu yerdan ko'rinadi.

❓

Tahlil: eng qiyin savollar

Guruhdagilar eng ko'p adashayotgan aniq savollar va eng yaxshi natija ko'rsatayotganlar reytingi.

Ichki imtihon va sertifikat

O'z nazorat imtihoningizni o'tkazing

Guruhga yoki butun maktabga. Qog'oz ham, alohida sinf xonasi ham kerak emas — o'quvchi telefonidan topshiradi.

Imtihon yaratish — "Yangi imtihon"

Nomi — masalan, "1-oy yakuniy nazorat"
Guruh — yoki butun maktab
Mavzular — qaysi mavzulardan savol tushsin
Savollar soni — 1 dan 100 gacha
O'tish balli — foizda
Vaqt chegarasi — daqiqada (ixtiyoriy)
Tugash sanasi — ixtiyoriy

Savollar yaratilgan zahoti tanlanadi va hamma uchun bir xil bo'ladi — natijalarni adolatli solishtirish mumkin.

1-bosqich

Qoralama

Imtihon yaratildi, o'quvchilar hali ko'rmaydi.

2-bosqich · "Boshlash"

Ochiq

Imtihon ochiladi va guruhdagi har bir o'quvchi telefoniga bildirishnoma boradi.

3-bosqich · "Yopish"

Yopiq

Imtihon tugaydi, boshqa topshirib bo'lmaydi. Natijalar qoladi.

Aldab bo'lmaydi

Har bir o'quvchi imtihonni faqat bir marta topshiradi.
Vaqt serverda hisoblanadi — telefon soatini o'zgartirib vaqtni cho'zib bo'lmaydi.
To'g'ri javoblar o'quvchi telefoniga oldindan yuborilmaydi.
Ball serverda hisoblanadi.

Imtihon uchun internet kerak — oflayn topshirib bo'lmaydi.

📋

Natijalar

Imtihon sahifasida har bir o'quvchining natijasi, o'tdi / o'tmadi, va qaysi savolda qancha odam adashgani.

📜

Sertifikat

O'tish balini olgan o'quvchiga sertifikat beriladi — bu internet havola. Guruh chatiga tashlash, ota-onaga yuborish yoki chop etish mumkin. Ism qisqa shaklda ("Jamshid I."), telefon va to'liq familiya chiqmaydi.

Rollar

Direktor va o'qituvchi

Har bir xodim o'z logini va paroli bilan kiradi. O'qituvchi hisobi kerak bo'lsa yoki parol unutilsa — bizga yozing, ochib yoki tiklab beramiz.

	Direktor	O'qituvchi
Ko'radigan o'quvchilar	Butun maktab	Faqat o'z guruhlari
Tahlil	Butun maktab va har guruh	Faqat o'z guruhlari
Ichki imtihon o'tkazish	Ha	Ha, o'z guruhlariga
Guruh ochish / yopish	Ha	—

Xavfsizlik va ma'lumotlar

Ma'lumotlar o'z serverimizda saqlanadi.
Maktablar bir-birini ko'rmaydi — o'quvchilaringiz faqat sizning panelingizda.
Telefon va to'liq familiya faqat sizning panelingizda. Reyting va sertifikatda — qisqa ism.
O'quvchini uning roziligisiz maktabga qo'shib bo'lmaydi.

Birinchi hafta

Tavsiya etilgan reja

Eng muhim lahza — birinchi dars: o'quvchilar kodni darsning o'zida kiritsa, hamma qo'shilgani aniq bo'ladi.

1-kun

Guruhlar ochiladi, plakatlar olib kelinadi, panel 5 daqiqada ko'rsatiladi.

Birinchi dars

Kod doskaga yoziladi, plakat ilinadi. O'quvchilar darsning o'zida telefonidan kiradi.

2–6-kun

O'quvchilar uyda mashq qiladi. Kulranglarni (boshlamaganlarni) darsda eslatasiz.

7-kun

Svetofor va zaif mavzularga qarab darsni rejalashtirasiz. Biz qo'ng'iroq qilib, fikringizni so'raymiz.

Oy oxiri

Birinchi ichki imtihon — o'tganlarga sertifikat.

Ko'p beriladigan savollar

Savollar

O'quvchilar ilova o'rnatishi shartmi?

Yo'q. QR → "Telegramda ochish" — hammasi Telegram ichida ishlaydi. Xohlagan o'quvchi Play Market'dan ilovani ham o'rnatishi mumkin.

O'quvchi kodni qayta kiritsa, joy yeyiladimi?

Yo'q. U allaqachon maktabingizda bo'lsa, qayta kiritish hech narsani o'zgartirmaydi.

O'quvchini boshqa guruhga o'tkazish kerak.

Panel → O'quvchilar → guruhini o'zgartirasiz. Boshqa kod berish shart emas.

Guruhda joy tugadi.

Bizga yozing — joy sonini oshiramiz (bitta guruhga 500 tagacha).

Shartnoma tugasa nima bo'ladi?

Kodlar yangi o'quvchini qabul qilmaydi, o'quvchilardagi PRO muddati shartnoma sanasida tugaydi. Uzaytirilsa — hammasi davom etadi.

O'quvchi maktabni bitirdi yoki ketdi.

Panelda uni maktabdan chiqarasiz yoki u o'zi chiqadi. Uning shaxsiy natijalari o'zida qoladi.

Bizda o'z darsliklarimiz bor — bu ularni almashtiradimi?

Yo'q, ustiga qo'shiladi. Sizda dars va kitob, panelda esa o'quvchi uyda nima qilgani va qayerda qiynalayotganining aniq raqamlari.

Maktabingizni ulaymizmi?

Bizga yozing — guruhlaringizni kiritamiz, plakatlarni olib kelamiz va panelni ko'rsatib beramiz.

Telegramda yozish Panelga kirish

O'quvchimisiz? AvtoTest bilan bepul mashq qilishni boshlang →

O'quvchilaringiz imtihonga qanchalik tayyor — bitta panelda